Fríggjadagin 2. desembur Sámal Blak í Leikalund í Klaksvík
Fríggjadagin 2. desembur letur fjórða framsýningin hjá Listafelagnum í sambandi við 70 ára dagin upp í Leikalund í Klaksvík. Tað er Sámal Blak, sum sýnir fram.
Við á framsýningini eru oljumálningar og vatnlitsmyndir
Listamaðurin Sámal Blak er føddur í 1983 í Tórshavn. Hann býr í Onglandi.
Sámal Blak er scenografur og sniðgevur bæði pallmyndir og búnar eina mest til opera og sjónleik. Hann arbeiðir við verkætlanum í altjóða høpi.
Hann hevur útbúgving frá Central Saint Martins Collegeof Art and Design, London á linjuni Design for Performance. Eftir lokna útbúgving vann hann í 2009 viðurkenda Linbury Prize fyri pallmyndir til operuna Othello eftir Verdi.
Sámal málar, teknar og myndhøggur. Hann hevur havt fleiri framsýningar bæði í Føroyum og uttanlands.
Sámal Blak fekk í 2007 gávugóðs úr grunni Thorvalds Poulsen av Steinum fyri ung listafólk.
Hetta er fjórða av teimum fimm framsýningunum, sum Listafelag Føroya skipar fyri í sambandi við, at tað eru 70 ár síðani felagið varð stovnað. Talan eru um fimm einframsýningar, sum byrja í Havn og síðani fara til Klaksvíkar og Tvøroyrar. Til tess at gera vart við virksemið hjá felagnum hesi mongu ár og gera tað á ein hátt, sum er til frama fyri list og listaáhugað í landinum verða framsýningarnar um alt landið.
Ungu og framfýsnu listafólkini eru: Annika á Lofti, Heiðrik á Heygum, Marianna Mørkøre, Sámal Blak og Jón Sonni Jensen.